Për të gjithë që dëshirojnë të testohen, ulen çmimet e testeve të kovidit

Në seancën e sotme të Shtabit të Krizave u vendos që tani e tutje të kalojnë tre muaj mes dozës së dytë dhe të tretë të vaksinës.

Në Serbi, ndërmjet dozës së dytë dhe përforcuese të vaksinës, do të mjaftojnë 3 muaj dhe qytetarët do të mund të marrin dozën e tretë pas 3 muajsh – është një nga vendimet e para të Shtabit të Krizave. Gjithashtu, ulet edhe periudha e izolimit nga 10 në 7 ditë, u tha sot.

Sekretari krahinor i Shëndetësisë dhe anëtar i Shtabit të Krizave Zoran Gojkoviq tha se ende nuk ka nevojë për dozën e katërt në Serbi.

Në një deklaratë pas seancës së Shtabit të Krizave, Gojkoviq ka shpjeguar se të gjitha vendimet për vaksinim merren në përputhje me hulumtimet shkencore, duke shtuar se për momentin nuk ka asnjë konfirmim shkencor se nevojitet një dozë e katërt.

“Dalëdalë me dozën e katërt,” tha Gojkovic.

Ai u bëri thirrje të gjithë qytetarëve që të vaksinohen dhe ritheksoi se është e nevojshme për të frenuar përhapjen e virusit.

Gjithashtu, kostoja e testit PCR është ulur.

“Është marrë vendim që të gjithë ata që duan të testohen me kërkesë personale mund ta bëjnë këtë me çmime më të ulëta, në vend të 9000, PCR tani është 6000 dinarë, ndërsa antigjeni tani është ulur nga 3500 në 1800 dinarë”, tha ai sot pas seancës së shtabit të krizës.

Ai po ashtu ka thënë se është marrë vendimi për shkurtimin e kohës së vaksinimit ndërmjet dozës së dytë dhe të tretë.

“Kemi marrë vendim që të shkurtojmë në tre muaj kohën ndërmjet vaksinës së dytë dhe të tretë. Konkluzioni i tretë është se koha e izolimit po shkurtohet, tani do të jenë 7 ditë”, theksoi doktor Gojkoviq.

Sipas ligjit aktual, ju do të merrni një urdhër izolimi nga inspektimi sanitar në rast se jeni pozitiv për virusin.

“Në rast se ju e shkelni izolimin, inspektimi sanitar dhe policia janë të detyruar t’ju kthejnë në izolim. Siç interpretojnë avokatët, nuk ka asnjë masë ligjore për të ndëshkuar dikë për shkelje të izolimit”, tha Gojkoviq.