A duhet ta nisni mëngjesin me çaj apo kafe?

Disa njerëz e nisin mëngjesin me një gotë lëng portokalli ose ujë të vakët, por shumica zgjedhin kafenë ose çajin për pijen e tyre të parë në mëngjes.

Konsumuesit e kafesë si dhe ata që pinë çaj priren të pretendojnë se pija që ata zgjedhin është më e mira. Megjithatë shpesh shtrohet pyetja se cili prej tyre është vërtet më i mirë dhe më i shëndetshëm.

Përmbajtja e kafeinës në çajra dhe kafe të ndryshme do të ndryshojë në varësi të kohës dhe mënyrës së përgatitjes.

Për të marrë një ide të përgjithshme dhe ndoshta për ta bërë më të lehtë për veten tuaj të zgjidhni me çfarë të filloni një ditë të re, ne ju sjellim informacione se cila pije përmban sa më shumë kafeinë.

Niveli i kafeinës në fjalë bazohet në një filxhan pije: kafeja e thjeshtë, e zezë përmban 96 miligramë kafeinë, ndërsa varianti i lehtë i kësaj pije ka 86.4. Kafeja e ftohtë përmban më pak kafeinë -74.4 miligramë.

Çaji i zi përmban 48, ndërsa jeshil 28.8 miligramë kafeinë. Nëse konsumoni kafe pa kafeinë, ajo përmban deri në 15 mg kafeinë. Çajrat bimor nuk përmbajnë kafeinë. Kur krahasojmë të dhënat, është e qartë se shumica e pijeve të kafesë përmbajnë më shumë kafeinë se çaji – edhe në rastin e disa pijeve pa kafeinë.

Kafeja është një burim i mirë i polifenoleve antioksidantë dhe kafeinës, dhe të gjitha ato mbështesin funksionimin më të mirë njohës dhe mund të zvogëlojnë rrezikun e humbjes së kujtesës. Përveç antioksidantëve, siç është përbërësi anti-inflamator acidi klorogjenik, kafeja ka një efekt të dobishëm edhe në shëndetin e trurit, mëlçisë dhe metabolizmit.

Në fakt, hulumtimet tregojnë se gratë që pinë dy deri në tre filxhanë kafe çdo ditë kanë më pak yndyrë në trup sesa ato që pinë rrallë kafe.

Por çaji gjithashtu ka shumë përfitime shëndetësore – nga qetësimi i të përzierave, deri te lehtësimi i dhimbjeve të kokës dhe lehtësimi i dispepsit.

Ashtu si kafeja, çaji ka veti anti-inflamatore dhe është i pasur me antioksidantë. Disa kërkime gjithashtu i lidhin përbërësit në çajin jeshil me shëndetin më të mirë kardiovaskular.

Kafeja dhe çaji janë të pasura me antioksidantë dhe mund të kontribuojnë në një metabolizëm më të mirë. Për shkak të përmbajtjes më të lartë të kafeinës në kafe, gratë shtatzëna dhe të gjithë ata që përpiqen të reduktojnë marrjen e kafeinës në trup, ekspertët rekomandojnë që të zgjidhni një çaj bimor për pijen e parë të mëngjesit.