Numri i të infektuarve po rritet, 59 persona kanë vdekur sot në Serbi

Në 24 orët e fundit në Serbi janë testuar për virusin korona 19.057 persona, prej të cilëve 7.134 kanë rezultuar pozitivë. Fatkeqësisht, 59 njerëz vdiqën. Në respiratorë janë 173 pacientë.

Kujtojmë se dje në Serbi janë testuar për koronavirusin 19.145 persona, prej të cilëve 7.030 kanë rezultuar pozitivë. Në respiratorë ishin 190 persona dhe fatkeqësisht në 24 orë vdiqën 67 persona.

Petar Koçoviq, profesor i teknologjisë së informacionit, i cili përdor modelin e tij matematikor për të monitoruar rrjedhën e epidemisë së koronavirusit, publikoi dje një diagram të ri inkurajues, i cili tregon se si po bie kurba që tregon numrin e të infektuarve me koronavirus.

Profesor Koçoviq theksoi se tashmë më 26 shkurt mund të shpresojmë se do të arrijmë numrin prej rreth 1000 të infektuarve në ditë.

– Pastaj do të kthehemi në 26 dhjetor, kur Omicron hyri në Serbi. Numri sigurisht që nuk do të bjerë më parë, dhe ndoshta mund të jetë një ditë më vonë, në ditët e para të marsit. Jemi duke rënë me ritme të shpejta këto ditët e fundit dhe pres një rënie të lehtë sërish në dy-tre ditët e ardhshme – tha ai, duke shtuar se matematikisht jemi ende në nënvalën e valës së katërt të koronavirusit, e cila filloi në 2 korrik 2021. Ai thotë se nuk mund të thotë me siguri se kur do të përfundojë.