Rekomandimi i ekspertëve – një gjeneratë duhet të marrë dozën e katërt

Agjencia Suedeze e Shëndetit Publik rekomandoi sot që personat mbi moshën 80 vjeç të marrin një dozë të dytë përforcuese të vaksinës kundër COVID.

Kjo do të ishte doza e katërt në total, për të forcuar imunitetin e dobësuar për shkak të përhapjes së shtamit omikron të virusit korona.

Rekomandimi vlen edhe për të gjithë personat e tjerë në shtëpitë e të moshuarve ose që marrin kujdes në shtëpi.

Deklarata thoshte se doza e dytë përforcuese duhet të merret të paktën katër muaj pas të parës. Autoritetet kanë regjistruar një rritje rekord të numrit të personave të infektuar me Covid që nga fillimi i vitit.