Studimi i ri: Covid shkaktoi një reduktim 0.2-2 për qind në madhësinë e trurit
Kovid 19 mund të shkaktojë një ulje të masës së trurit, të zvogëlojë lëndën gri në zonat që kontrollojnë emocionet dhe kujtesën dhe të dëmtojë zonën që kontrollon shqisën e nuhatjes, sipas një studimi të shkencëtarëve nga Universiteti i Oksfordit.
Shkencëtarët kanë njoftuar se kanë vërejtur ndryshime të tilla tek pacientët që nuk janë shtruar në spital për shkak të Covid 19.
Për të kuptuar nëse pasojat e përmendura mund të eliminohen të paktën pjesërisht ose do të bëhen të përhershme, është e nevojshme të kryhen kërkime shtesë.
Kemi prova të forta të zhvillimit të anomalive të trurit pas tejkalimit të Covid 19”, shkruajnë shkencëtarët britanikë.
Edhe në rastin e formave të lehta të sëmundjes, tek pjesëmarrësit në hulumtim u konstatua “përkeqësim i funksioneve ekzekutive të trurit”, përgjegjës për fokusimin, planifikimin, organizimin, marrjen e vendimeve dhe zgjidhjen e problemeve, dhe mesatarisht madhësinë e truri u ul me 0.2-2 për qind.
Studimi shqyrtoi ndryshimet në trurin e 785 pacientëve të moshës 51 deri në 81 vjeç.
Truri i tyre u skanua dy herë dhe nga numri i përgjithshëm i të anketuarve, 400 prej tyre u infektuan me Covid midis dy skanimeve. Skanimi i dytë u krye mesatarisht 141 ditë pas të parit.
Studimi u krye në një kohë kur varianti alfa i koronavirusit ishte dominant në Britani dhe nuk ka gjasa që ndonjë pacient i infektuar me delta të jetë i përfshirë, thonë shkencëtarët britanikë.
Hulumtimi tregoi gjithashtu se disa pacientë vuanin nga ‘mjegulla e trurit’ ose reduktimi i vëmendjes dhe përqendrimit, si dhe shpejtësia e reduktuar e përpunimit të informacionit dhe memoria më e dobët pasi ishin shtrirë.
Shkencëtarët nuk kanë njoftuar nëse vaksinimi kundër Covid-it ka ndikuar në këtë gjendje, por Agjencia Britanike e Shëndetësisë tha muajin e kaluar se pas studimit të 15 studimeve të kryera më parë, u zbulua gjysma e gjasave që njerëzit e vaksinuar të zhvillojnë simptoma të kovidit afatgjatë në krahasim me të pavaksinuarit.
