Bleu një kuzhinë të përdorur në internet, burri nga gjermania i gjen brenda kuzhinës 150 mijë euro

Heller, i cili është drejtor menaxhues i një projekti të strehimit social, tha për mediat e huaja se gjeti një zarf të mbushur me shumë kartëmonedha.

Por në vend që të merrte paratë dhe t’i fuste në xhepin e tij, ai shkoi në polici për t’i dorëzuar ato.

E habitur nga shuma e parave dhe ndershmëria e burrit, policia e çoi çështjen në gjykatë dhe filloi një hetim për të gjetur pronarin e vërtetë të kuzhinës.

Hetimi zbuloi se paratë i përkisnin një gruaje 91-vjeçare nga qyteti i Halle, e cila ndodhet në një shtëpi të moshuarish, pasi burri i saj kishte ndërruar jetë.

Shitësi ishte në fakt nipi i së moshuarës, i cili tha për mediat vendase se nuk dinte asgjë për paratë e fshehura brenda dollapit.

Sipas ligjit gjerman është vepër penale mbajtja e parave të gjetura, nga 10 euro dhe më shumë, ndërsa shkelësit mund të përballen me burgim deri në tre vjet.

Për faktin se Heller-i nuk i mbajti ato, atij në bazë të shumës që gjeti i takojnë 4,500 euro, të cilat i janë dhënë, por ai nuk ka vendosur ende se si t’i shpenzojë.