Në Bujanoc deri në orë 18:00 dalja 38%

Deri në orën 18:00, në Bujanoc janë regjistruar 37.86 për qind nga 43.112 votues.

Kjo përqindje bazohet në daljen në tri vendvotime, në Rakovcë, Konçul dhe në sallën e Shtëpisë së Kulturës ne Bujanoc.

Qendra për Zgjedhje të Lira dhe Demokraci (CESID) njoftoi se deri në orën 17 votuan 45.1 për qind e votuesve të regjistruar.

CESID ka deklaruar në faqen e saj të internetit se në zgjedhjet parlamentare të vitit 2020 deri në orën 17 votuan 37.2 për qind dhe në vitin 2016 43.5 për qind.

Në zgjedhjet presidenciale të 2017 pjesëmarrja deri në orën 17 ishte 40.9 për qind.