Deri në dimër çmimi i gazit 1000 metër kub do të arrijë në 3500 euro

Evropa do ta ketë shumë të vështirë furnizimin me gaz për dimër dhe ekspertët bëjnë të ditur se deri në sezonin e ri të ngrohjes çmimi i 1000 metër kub gaz do të arrijë deri në 3500 euro. Një mijë metër kub këto ditë kushtojnë rreth 1100 dollarë.

Kompania norvegjeze Rustad Energy, e specializuar në analizën e tregut të energjisë, kujton se vetëm një vit më parë, çmimi i gazit rus ishte midis 70 dhe 100 dollarë për 1000 metër kub.

Blitzkrieg ekonomik kundër Rusisë nuk pati sukses, dhe për Evropën ka shenja gjithnjë e më të qarta se konflikti vetëm po vazhdon dhe se “loja e vërtetë” në fakt sapo ka filluar. Parashikimi i analistëve norvegjezë, padyshim, tashmë merr parasysh realitetin e ri, në të cilin Rusia ka filluar t’i përgjigjet sanksioneve perëndimore.

Këtë javë, Gazprom ndërpreu të gjitha marrëdhëniet me ish filialet e tij në Gjermani dhe Poloni.

Se sa konfuze është situata dëshmohet nga fakti që Ministrja e Jashtme gjermane Analena Berbock tha në Kiev se Gjermania refuzon gazin rus, dhe në të njëjtën kohë në Berlin, Ministri i Punës dhe Mirëqenies Sociale Hubertus Heil vuri në dukje se mungesa e gazit rus do të çonte. drejt një krize të dyfishtë – stagflacionit, domethënë zhvlerësimit të parasë i ndjekur nga stagnimi në ekonomi.

Problem i veçantë për Gjermaninë është fakti se, sipas marrëveshjes, Berlini është i detyruar t’i paguajë “Gazprom” deri në vitin 2030, pavarësisht nëse merr gaz prej tij apo jo, të gjithë sasinë e energjisë së planifikuar.