Përfundon turneu i volejbollit në Preshevë

Qendra sportive “Presheva” ka organizuar turneun e volejbollit me shkollat fillore në komunë të Preshevës, shkruan Presheva.AL

Turenu u mbajt me vajzat dhe meshkujt e gjashtë shkollave në komunë të Preshevës.

Vlen të theksohet se nxënësit dhe nxënëset kanë shfaqur një interesim të madh për këtë sport.

Femrat fituese në këtë turne ishin nxënëset e shkollës fillore “Dituria” nga fshati Corroticë, vendin e dytë e zunë nxënëset e shkollës fillore “Ibrahim Kelmendi” dhe në vendin e tretë nxënëset e shkollës fillore “9 maji” nga fshati Leran.

Në vendin e parë tek meshkujt e morën nxënësit e shkollës fillore “9 maji” Leran, vendin e dytë e zunë nxënësit e shkollës “Abdulla Krashnica”nga Miratoci dhe në vendin e tretë nxënësit e shkollës fillore “Ibrahim Kelmendi”.