Bashkatdhetari nga Zvicra kafshohet nga gjarpëri më helmues në fshatin Samolicë

Bashkatdhetari nga Zvicra me prejardhje nga fshati Samolicë, i cili verën e kalon në vendlindje, të hënën është kafshuar nga gjarpri më helmues në këtë rajon. Pasi i është dhënë ndihma në Emergjencën e Shtëpisë Shëndetësore të Bujanocit, ai është transferuar në spitalin e Vranjës.
Sipas teknikut mjekësor Sasha Arsic, pacienti ndodhet jashtë rrezikut për jetën.

Arsiq thotë se pacienti është rreth 60 vjeç dhe gjarpri e kafshoi në gishtin e dorës.

Përveç pacientit, në urgjencë ka mbërritur edhe një gjarpër.

“Burri donte të kapte atë hopsin e vogël dhe ta kthente në natyrë, duke mos ditur se çfarë lloji ishte. Edhe pse ajo e kafshoi, ai arriti ta kapte, e futi në një qese dhe e solli në shërbimin tonë. Kur pamë se ishte gjarpri më helmues në këtë zonë, reaguam menjëherë” thotë Arsiq.

Ai thotë se në fund të fundit gjarpërin e ka lëshuar personalisht në natyrë.

Helmi i këtij gjarpëri përmban substanca që shkaktojnë nekrozë të indeve dhe shkatërrojnë trombocitet, gjë që mund të çojë në gjakderdhje në organet e brendshme.

Vetë pickimi shpeshherë nuk është i dhimbshëm, por pas disa minutash shfaqen simptomat shoqëruese në formën e dhimbjes së kokës, marramendjes, rrahjeve të shpejta të zemrës, vështirësisë në frymëmarrje dhe të vjellave.