Dalja në Tërnoc, deri në orën 18:00, 480 votues

Në zgjedhjet e pesta të përsëritura për deputetë në vendvotimin numër 6 në Tërnoc, deri në orën 18 kanë votuar 480 votues (44 për qind) nga 1089 votues me të drejtë vote, ka konfirmuar kryetari i Komisionit Zgjedhor, Millovan Aleksiq.

Siç theksoi Aleksiq, votat nga terreni ende nuk kanë arritur, dhe bëhet fjalë për 140 votues janë regjistruar për të votuar nga shtëpia, numër ky që është tre herë më shumë se në zgjedhjet e 27 majit.

Aleksiq thotë për Bujanocin se procesi zgjedhor gjatë gjithë kohës po zhvillohet pa probleme.

Nga rezultatet e votimit në Tërnoc varet nëse Koalicioni i Shqiptarëve të Luginës do të fitojë një mandat parlamentar apo Partia Socialiste e Serbisë (SPS) do të mbajë 32 deputet.

Koalicionit te Shqiptareve te Lugines i duhen 609 vota për të fituar nje ulese ne kuvend.