Më shumë se 25,000 njerëz në Serbi patën një goditje në tru: Kovid është shkaku kryesor

Për shkak të pasojave të infektimit me Covid, kufiri i moshës së pacientëve me infarkt cerebral po kalon tek më të rinjtë! dhe rreziku i një përfundimi të tillë kërcënon si ata që kishin një formë të rëndë infeksioni, ashtu edhe ata që “e kaluan” pa simptoma të rënda. Sipas të dhënave të fundit të Institutit të Shëndetit Publik “Dr Milan Jovanoviq Batut”, në Serbi për një vit kanë pësuar goditje në tru 25.685 persona.

Duke shprehur këtë paralajmërim, Koloneli Profesor Dr. Ranko Raiçeviq, kryetar i Shoqatës së Neurologëve të Serbisë dhe udhëheqës i Klinikës së Neurologjisë MMA për mediat serbe, tha se kjo vërteton dyshimet që nga fillimi i pandemisë se koronavirusi mund të jetë serioz, me pasoja të vonuara.

“Po. Tashmë dihet me siguri se epidemia planetare ka ndikuar në zhvillimin e goditjeve në tru tek të rinjtë. Kjo tregon potencialin e konsiderueshëm të këtij infeksioni për çrregullime në nivel sistemik, veçanërisht në çrregullimet e koagulimit me rrezik të lartë, për trombozën cerebrale, arteriet me pasojë goditje në tru”, tha doktor Ranko Raiçeviq.

Çdo person i tretë me kovid ka pasoja neurologjike.

“Sindroma postcovid është një entitet i ri klinik në pacientët që i kanë mbijetuar infeksionit të virusit SARS-CoV-2. Ai përfshin pacientë që janë shtruar në spital për shkak të ashpërsisë së pamjes klinike, por në të njëjtën mënyrë vlen edhe për ata me një pasqyrë të lehtë klinike të infeksionit. Shenjat, simptomat, dëmtimet ndodhin në shumë sisteme organesh dhe mbizotërojnë çrregullimet respiratore, kardiake, neurologjike dhe psikiatrike. Depresioni serioz ende shfaqet vetëm në pesë deri në gjashtë për qind të këtyre pacientëve”, tha doktori.

Mjeku gjithashtu shpjegoi nëse mund të ndodhë që pasoja të reja neurologjike të shfaqen për një kohë të gjatë pas infeksionit.

“Nurologjikisht dhe kushtimisht, sindroma psikiatrike postcovid nënkupton shfaqjen e shenjave dhe simptomave nga fusha e neurologjisë dhe psikiatrisë tek pacientët pas më shumë se 12 javësh infeksion akut. Ata që janë shtruar në spital. Gjithashtu është shumë më e zakonshme se pas tjera infeksionet virale, si gripi, dhe është afatgjatë”, përfundoi ai.