Paga mesatare në muajin prill është 73 mijë dinarë, Presheva e fundit në listë

Paga mesatare neto për të punësuar në Serbi për muajin prill të vitit 2022 ka qenë 73.012 dinarë, ndërsa paga mesatare bruto është 100.727 dinarë, njofton Byroja e Statistikave Republikane.

Krahasuar me të njëjtin muaj të vitit të kaluar, pagat mesatare bruto dhe neto të prillit janë nominalisht më të larta për 12.4 për qind dhe realisht më të larta për 2.6 për qind.

Paga mesatare neto për muajin prill ka qenë 55.267 dinarë, që do të thotë se 50 për qind e të punësuarve kanë fituar deri në shumën e deklaruar.

Rritja e pagave bruto në periudhën janar-prill 2022, krahasuar me të njëjtën periudhë të vitit të kaluar, në terma nominalë ishte 13.2 për qind ose në terma realë 3.9 për qind.