Shumë librezave të veturave u skadon afati: Kontrolloni datën

Nëse libreza e veturës tuaj nuk është e përhershme, kontrolloni datën deri në të cilën është e vlefshme, sepse nëse i ka skaduar, mund të keni problem nëse udhëtoni jashtë kufijve. Policia në Maqedoninë e Veriut tashmë po i kushton vëmendje automjeteve që kalojnë nëpër Greqi me numra targash tre ose katër shifrore që fillojnë me 10, 11 ose 12. Ata e dinë se ekziston një probabilitet i lartë që njërit prej tyre të jetë duke vozitur me librezë të skaduar, ndaj nëse e “kapin” një person të tillë gjobitet me 50 euro.

Ndryshimet në Rregulloren për Regjistrimin e Mjeteve Motorike dhe Rimorkiove që hynë në fuqi në fillim të vitit 2020 sollën lajmin se lejet e qarkullimit nuk do të ndryshohen më.

Mirëpo, ata që e kanë regjistruar veturën para kësaj duhet t’i kushtojnë vëmendje datës pranë shkronjës H, sepse aty shkruhet se kur skadon libreza, e cila ishte e vlefshme për shtatë vjet deri në ndryshimin e lartpërmendur të Rregullores. Në fakt është “vleftësim i vetë plastikës” dhe nuk ka lidhje me regjistrimin. Diçka si zëvendësimi i një karte në një bankë pasi të ketë skaduar vlefshmëria e saj.

Pra, edhe pse e keni regjistruar siç duhet mjetin, nuk ka të bëjë fare me kohëzgjatjen e lejes së drejtimit. Nëse e keni nxjerrë shtatë vjet më parë – është koha ta zëvendësoni. Pra, kërkoni librezen tuaj të trafikut dhe shikoni se cila datë është shkruar pranë shkronjës H.

Ata që e kanë ndryshuar librezen e qarkullimit ose e kanë marrë pas fillimit të vitit 2020 nuk preken fare nga kjo. Si afat i vlefshmërisë shënohet dita dhe muaji kur është lëshuar, dhe viti deri në të cilin zgjat 9999, që do të thotë “i përhershëm”.

Ideja ishte që në atë vend të kishte një shenjë për një kohë të pacaktuar, por ende nuk mund të përdoret sepse sistemi kompjuterik nuk e njeh atë.