Në Austri mësuesit që janë infektuar me koronavirus dhe nuk kanë simptoma duhet të vazhdojnë mësimin në klasë

Ministri i Arsimit i Austrisë, Martin Polashek, beson se mësuesit që janë të infektuar me koronavirus dhe nuk kanë simptoma duhet t’u mësojnë nxënësve.

Polashek theksoi se heqja e karantinës vlen edhe për mësuesit e infektuar me Covid-19 dhe se ata, si dhe punonjësit në fusha të tjera, duhet të punojnë, me detyrimin për të mbajtur maskën FFP2.

Ai theksoi se ka rregulla unike të Ministrisë së Shëndetësisë për të gjithë punonjësit dhe se ato duhet të zbatohen edhe për pedagogët.

“Nëse shfaqet një lloj i ri, i cili është gjithashtu shumë ngjitës dhe çon në sëmundje të rënda, rregullat do të duhet të rishikohen”, shpjegoi ai.

Ai bëri të ditur se rregullat përfundimtare për vjeshtën do të shpallen më 29 gusht.

Provincat e Vjenës dhe Burgenland, ku viti i ri shkollor fillon më 5 shtator, kanë njoftuar se nuk do të detyrojnë pedagogët e infektuar të japin mësim në shkolla.

Sindikata e mësuesve kritikoi ministrin Polasek.

“Është e vështirë të kuptohet se fëmijët që janë pozitivë për korona duhet të ulen në klasë dhe mësuesit që janë të infektuar japin mësim”, tha presidenti i sindikatës Paul Kimberger.