Serbia po planifikon të vendos masa për rrymën, ja kur hyjnë në fuqi

Presidenti serb Aleksandar Vuçiq ka folur për situatën energjetike në Serbi.

Ai theksoi se vera është e vështirë, dhe se na pret një vjeshtë e vështirë dhe dimri më i vështirë.

Vuçiq shtoi se autoritetet po punojnë shumë për masat financiare që do të propozojnë për të kursyer energjinë elektrike.

“Po punojmë fort edhe Ministria e Minierave dhe Energjetikës edhe të gjithë në zyrën time edhe në kryeministri për masat që do të propozojmë, për efektet financiare, për kursimin e energjisë elektrike, për familjet dhe më pas do të shohim si të kursehet energjia elektrike”, u tha Vuçiq gazetarëve.

Ai ka raportuar se vetëm dje është importuar pak më shumë se katër gigavat energji elektrike, e cila ka kushtuar 2.4 milionë euro.

“Kjo do të thotë 530 euro për megavat-orë, dhe ne e shesim atë në tregun tonë për 41 euro, kjo është 14 herë më pak. Askush nuk mund ta durojë këtë, dhe është ende verë,” paralajmëroi Vuçiq.

Vetëm tani, thotë ai, kanë filluar të rriten potencialet hidro, me vërejtjen se edhe kur të kënaqemi me shiun, pas thatësirës do të ketë probleme në miniera.

“Do të jetë një verë e vështirë, një vjeshtë edhe më e vështirë dhe dimri më i vështirë. Ne do të luftojmë së bashku dhe besoj se do t’i kalojmë të gjitha”, tha Vuçiq.