Audicion për aktorë të vegjël në Preshevë

Njoftohen të gjitha shkollat fillore të komunës së Preshevës, se së shpejti Shtëpia e Kulturës “Abdulla Krashnica” në Preshevë, do të hapë audicionin për aktrim, për nxënësit e talentuar në fushën e aktrimit.

Porosisim mësimdhënësit e gjuhës dhe të letërsisë shqipe të punojnë në zbulimin e nxënësve që kanë prirje për këtë fushë të artit, të bëhen pjesë e këtij audicioni, i cili do të hapet për herë të parë në institucionin tonë.

Pjesë e audicionit do të jetë juria profesionale e fushës përkatëse, e cila do të japë mendimin e tyre, lidhur me fituesit e këtij audicioni.

Pasi ta mbarojë punën juria profesionale, lidhur me fituesit e audicionit, pastaj me dhjetë fituesit e parë, do të realizohen dy shfaqje, në dy grupe.

Koha e përgatitjes së talentëve është deri më 15.10.2022. Emrat e nxënësve për pjesëmarrje në audicion, të dorëzohen te z. Bilall Maliqi, punëtor i këtij institucioni.

Për datën e mbajtjes së audicionit, do të njoftoheni me kohë.