Rritet çmimi i sheqerit dhe mishit të pulës

Në seancën e sotme, e cila filloi në ora 09:00, Qeveria e Serbisë mori vendim për ndryshimin e limiteve të çmimeve të produkteve dhe heqjen e ndalesave për eksportin e naftës.

Qeveria e Serbisë sot ka marrë vendim për rritjen e çmimit të sheqerit kristal, i cili do të kushtojë 109,99 dinarë për kilogram, si dhe mishit të freskët të pulës, çmimi i të cilit do të jetë 319 dinarë për kilogram.

Qeveria zgjati gjithashtu ndalimin e eksportit të qumështit deri në fund të tetorit dhe hoqi ndalimin e eksportit të naftës.

Rregullorja për ndalimin e eksportit të karburanteve është shtyrë deri më 31 tetor.

Kufijtë e çmimeve për disa produkte janë ndryshuar.

Kur bëhet fjalë për çmimet e ushqimeve, kufiri i çmimit për qumështin me 2.8 për qind yndyrë qumështi është hequr, por marzhet për të gjithë qumështin do të jenë 10 për qind.

Çmimi maksimal i shitjes me pakicë i qumështit afatgjatë me 2,8 për qind yndyrë qumështi në një paketë prej një litri më parë ishte i kufizuar në 120 dinarë.

Çmimet e vajit, miellit mbeten të njëjta.

Çmimi i kilogramit të sheqerit kristal paraprakisht ishte i kufizuar në 102,99 dinarë, dhe pulës në dyqane në 299,99 dinarë.