Zyrtarisht: Në Serbi çmimet e ushqimeve u rritën me 21 për qind

Në një vit, që nga gushti i vitit të kaluar, çmimet e konsumit në Serbi janë rritur për 13,2 për qind, kurse çmimet e ushqimeve për 20,9 për qind, sipas të dhënave zyrtare të Institutit të Statistikave Republikane (RSZ).

Nga gushti i kaluar deri në këtë gusht, çmimi i grupeve ushqimore të kafesë, çajit dhe kakaos është rritur më së shumti – me 25.7 për qind.

Buka dhe drithërat u rritën me 24.1 për qind, ndërsa çmimi i mishit u rrit me 23.7 për qind në një vit.

Çmimi i peshkut është më i lartë për 23,9 për qind dhe qumështi, djathi dhe vezët për 23,5 për qind.

Lëndët djegëse dhe lubrifikantë për automjetet e pasagjerëve në gusht të këtij viti janë 20.9 për qind më të shtrenjta krahasuar me gushtin e vitit të kaluar, ndërsa përdorimi dhe mirëmbajtja e automjeteve tani është 17.3 për qind më e shtrenjtë.

Qiraja aktuale e banesave është më e lartë me 21.3 për qind.

Krahasuar me gushtin e kaluar, vetëm shërbimet e transportit ajror të udhëtarëve janë bërë më të lira, me 0.2 për qind.

Çmimet e produkteve dhe shërbimeve të konsumit personal në gusht 2022, krahasuar me korrikun 2022, janë rritur mesatarisht me 1,2 për qind, sipas Byrosë së Statistikave.

Krahasuar me muajin paraardhës, rritje e çmimeve është shënuar në grupet si: banesa, ujë, energji elektrike, gaz dhe lëndë djegëse të tjera (3,9 për qind), ushqime dhe pije joalkoolike (2,5 për qind), restorante dhe hotele (1,4 për qind), rekreacion dhe kulturë ( 1,3 për qind), pajisje për banesën dhe mirëmbajtjen aktuale (1,0 për qind), si dhe në grupet pije alkoolike dhe duhan, më pas komunikime, më pas shëndetësi dhe arsim (nga 0,1 për qind secila).

Rënie e çmimeve është shënuar në grupin e transportit (-2,5 për qind) dhe veshjeve dhe këpucëve (-0,6 për qind).

Çmimet e produkteve dhe shërbimeve të tjera nuk ndryshuan ndjeshëm.