Kërkesa dhe rregulla të reja: Gjermania hap dyert e saj për punëtorët e huaj

Ekonomia gjermane nuk ka qenë në gjendje të tërheqë punëtorë të mjaftueshëm të kualifikuar për vite me rradhë dhe ky problem së shpejti do të përkeqësohet me daljen në pension të brezit të “baby boomer”.

Të mërkurën, qeveria prezantoi një plan që hap derën më gjerë për fuqinë punëtore nga vendet jashtë Bashkimit Evropian.

Sipas draftit, të huajt nuk do të kufizohen më të punojnë vetëm në profesion, kështu që, për shembull, një mekanik do të mund të punojë si magazinier ose një polic si kamarier.

Kur shqyrtohet një aplikim për vizë pune, përvoja do të fitojë peshë dhe përkthimi i kualifikimeve në gjermanisht do të humbasë rëndësinë për hyrjen në Gjermani. Plani përfshin gjithashtu një sistem inovativ vlerësimi për punëtorët nga vendet e treta, duke përfshirë vendet e Ballkanit Perëndimor.

Ministrat ranë dakord për parimet bazë, se “kriteret mund të jenë kualifikimet, aftësitë gjuhësore, përvoja e punës, lidhjet familjare me Gjermaninë dhe mosha”.

Çështja e pikëzimit të kategorive të mjegullt të njohjes së gjuhës dhe lidhjeve familjare sapo po del në axhendë diskutimi në koalicionin trepalësh të kancelarit Olaf Scholz.

Me sa duket, shërbimet për të huajt do të peshojnë mundësinë për t’u integruar më favorshëm me qëndrimet e mëparshme në Gjermani, punën për një punëdhënës gjerman, por edhe nëse kandidati ka të afërm në Gjermani.

Drafti ende nuk përcakton se çfarë statusi duhet të kenë këta të afërm, për shembull nëse janë të punësuar.

Imigrimi më i lehtë është pjesë e reformës së planifikuar të ligjeve të azilit dhe migracionit që Ministrja e Brendshme Nancy Faeser dëshiron të nisë deri në fund të vitit.

Të premten, Bundestagu do të votojë për të ashtuquajturën mundësi për të drejtën e qëndrimit, pra hapjen e perspektivës së qëndrimit për të huajt e mirëintegruar që jetojnë prej kohësh në Gjermani pa status të sigurt.

Duke filluar nga 31 tetori 2022, kujtdo që ka jetuar në vend për të paktën pesë vjet dhe nuk ka kryer një vepër penale duhet t’i jepet 18 muaj kohë për të përmbushur kërkesat për qëndrim afatgjatë – kjo përfshin aftësitë gjuhësore dhe mjetet e tyre të jetesës.