Fillon kontrabandimi i vezëve përtej kufirit – çmimi i tyre u rrit me 60 për qind

Përpjekjet për të kontrabanduar vezë në kufirin SHBA-Meksikë janë rritur me gati 60 për qind për shkak të çmimeve të larta të këtij ushqimi.

Ka pasur një rritje të madhe në sasinë e produkteve ushqimore të ndaluara, si vezët e papërpunuara dhe mishi i papërpunuar i shpendëve, të sjella nga udhëtarët nga Meksika. Ne dëshirojmë t’u kujtojmë udhëtarëve se rregulloret federale bujqësore mbeten në fuqi, tha Jennifer De La O, drejtore e operacioneve në terren për CBP në San Diego.

Roger Mayer, një specialist i marrëdhënieve me publikun për Doganat dhe Mbrojtjen e Kufirit të SHBA në El Paso, Teksas, i tha Yahoo Finance se ai ka parë një “rritje dramatike në numrin e njerëzve që përpiqen të lëvizin vezët nga Juarez në El Paso sepse ato janë shumë më të lira në Meksikë sesa në Shtetet e Bashkuara”.

Vetëm në zonën e kalimit të El Pasos, agjencia raportoi se numri i konfiskimeve të vezëve dhe shpendëve u rrit me 108 për qind nga 1 tetori deri më 31 dhjetor të vitit të kaluar. Sipas ligjit federal, udhëtarëve u ndalohet të sjellin disa produkte bujqësore, duke përfshirë vezët e pulës, në SHBA, sepse ato mund të bartin dëmtues të bimëve dhe sëmundje të kafshëve të huaja.

Meier tha se udhëtarët shpesh raportojnë vezët gjatë inspektimit parësor kufitar vetëm për t’i mbledhur dhe shkatërruar nga zyrtarët, zakonisht pa ndëshkim.

– Njerëzit zakonisht nuk e fshehin produktin – theksoi ai.

Por ata që nuk deklarojnë se çfarë transportojnë mund të gjobiten.

– Kur kjo ndodh, vezët konfiskohen dhe individit i caktohet një gjobë civile prej 300 dollarësh. Dënimet mund të jenë më të larta nëse krimi përsëritet – tha ai.