Kohë e vështirë për Albinin: I vjen nga SHBA ajo që s’e priste, ç’do bëjë tani?

I dërguari i posaçëm i SHBA-së për Ballkanin Perëndimor thotë se bashkësia ndërkombëtare po kërkon nga kryeministri i Kosovës formimin e një komuniteti të komunave serbe.

I dërguari i posaçëm amerikan për Ballkanin Perëndimor, Gabriel Escobar, vlerësoi se ka pasur bisedime konstruktive me presidentin e Serbisë, Aleksandar Vuçiç, në Beograd për propozimin franko-gjerman për zgjidhjen e çështjes së Kosovës dhe theksoi se takimi i radhës i negociatorëve në Bruksel mund të zhvillohet së shpejti.

Ai i tha Zërit të Amerikës se komuniteti ndërkombëtar kërkon që kryeministri i Kosovës, Albin Kurti, të formojë Bashkësinë e Komunave Serbe (Asocacionin ose ndryshe Zajednicën) dhe thekson se formimi dhe negociatat për propozimin franko-gjerman “nuk janë të lidhura plotësisht”.

Ai theksoi se ZSO do të formohet, me apo pa vullnetin e Kurtit, i cili vazhdimisht ka thënë se nuk do ta formojë. Por sipas Escobarit, edhe pse Kurti nuk pajtohet ta formojë Asocaconin, Kosova tashmë është pajtuar.

Në përgjigje të deklaratës se Kurti vazhdimisht ka thënë se nuk do të formojë ZSO-në, Escobar tha se “një person dhe një palë nuk mund të heqin dorë nga zbatimi i pikave ligjërisht të detyrueshme”.

“Ne do ta bëjmë, do ta bëj, duke gjetur partnerë, ka shumë njerëz që dëshirojnë të shohin marrëdhënie më të mira mes serbëve në veri (të Kosovës) dhe në pjesën tjetër të vendit”, tha Escobar.

Ai shtoi se bashkësia ndërkombëtare pret dhe kërkon nga Kosova formimin e ZSO-së.

I pyetur nëse kjo do të thotë se SHBA-të do ta bëjnë nëse Kurti nuk dëshiron, Escobar tha se SHBA do të fillojë një bisedë për këtë, “një bisedë kombëtare se çfarë do të thotë përmbushja e atij obligimi për popullin e Kosovës”.

Ai thotë se “Kurti nuk ka pse të pajtohet” me këtë, sepse “Kosova tashmë është pajtuar”, duke iu referuar kështu marrëveshjes së viteve më parë, kur Kosova qeverisej nga Thaçi. Ahere, në dialogun me serbët, udhëhequr nga BE, pala kosovare, me kryenegociatore Edita Tahirin, ka rënë dakort për formimin e Asocacionit, pagëzuar nga Kurti si Zajednica dhe kundërshtuar fort, edhe me protesta. Më vonë, Gjykata Kushtetuese e rrëzoi si antikushtetues dhe nisur nga kjo, Kurti nuk pranon ta formojë, paçka dakortësisë politike nga ana e Kosovës.

Escobar vlerësoi se pyetja nuk është nëse Kurti pajtohet apo jo, por si do të zbatohet, ndërsa deklaratës se Kurti nuk do ta zbatojë, ai kategorikisht tha se “do të zbatohet”.

I pyetur nëse, nëse formohet ZSO, kjo është një mënyrë për të inkurajuar Beogradin që të ndërmarrë një hap drejt pranimit të propozimit franko-gjerman, Escobar tha se këto dy gjëra nuk janë plotësisht të lidhura.

“ZSO është një detyrim ekzistues dhe duhet të formohet. Propozimi franko-gjerman është një propozim shumë i mirë, i cili u mundëson të dyja vendeve të përparojnë drejt paqes së qëndrueshme. Dhe ne do të punojmë për këtë njëkohësisht, dhe na duhen të dyja gjërat”, tha ai.

I pyetur nëse ka një datë për takimin e radhës në Bruksel, Escobar tha se zyrtarisht nuk ka, por se është duke u diskutuar dhe se duhet të ndodhë “shumë, shumë shpejt”.

Me këtë qëndrim amerikan, ravijëzohet kështu dhe një mospajtim i rrezikshëm mes Uashingtonit e Prishtinës, në të njëjtën kohë kur shfaqet një luajalitet mes SHBA dhe Serbisë.

Pra, mëshimi fort i faktit nga ana e Kurtit se Serbia bën lojën e Rusisë në Ballkan, nuk po ka efekt te SHBA. Nga ana tjetër, SHBA jep garanci se Asocacioni nuk do jetë një tjetër Republika Srpska, kësah here në Kosovë, siç Kurti e paraqet dhe i trembet.