Ëmbëlsuesi artificial që përdoret është i rrezikshëm për shëndetin

Siç u tha, rreziku nuk është i papërfillshëm.

Studimi i fundit, i publikuar në revistën shkencore “Nature Medicine”, vendosi një lidhje midis niveleve të larta të ëmbëlsuesit eritritol në gjak dhe rritjes së rrezikut të sëmundjeve të zemrës, mpiksjes së gjakut dhe sulmeve në zemër.

“Rreziku nuk është i papërfillshëm”, tha drejtuesi i këtij studimi, Dr. Stanley Hazen, drejtor i Qendrës për Diagnozën dhe Parandalimin Kardiovaskular në Cleveland.

Hazen tha se edhe produktet diabetike, të cilat tregtohen si ushqime të supozuara të shëndetshme, kanë në to shumë eritritol potencialisht të rrezikshëm. Ai deklaroi se kjo substancë është padyshim e dëmshme dhe se mjekësia duhet “urgjentisht” t’i përkushtohet kërkimeve të mëtejshme të eritritolit.

Këshilli i Kontrollit të Kalorive, një organizatë që përfaqëson interesat e prodhuesve të pijeve dhe ushqimeve me kalori të ulët, u distancua nga rezultatet e këtij studimi, duke pretenduar se ato bien ndesh me të gjitha kërkimet e mëparshme shkencore.

– Pjesëmarrësit e këtij studimi kishin tashmë një rrezik të shtuar të sëmundjeve kardiovaskulare, kështu që përfundimet e tij nuk mund të zbatohen për popullatën e përgjithshme – tha drejtori ekzekutiv i Këshillit të Kontrollit të Kalorive, Robert Rankin.

Erytrioli gjendet natyrshëm në fruta dhe ushqime të fermentuara, dhe shpesh i shtohet stevias gjoja “natyrale” gjatë prodhimit.