Qytetarët nga Presheva, Bujanoci dhe Vranja kanë ngritur padi kundër NATO-s, mund të përfitojnë deri në 1.5 milion euro?

Unë përfaqësoj viktimat dhe nuk merrem me shkaqet, por me pasojat e luftës. Kemi të sëmurë dhe kërkojmë që të sëmurët të trajtohen. Qytetarët e varfër nga jugu i Serbisë shesin gjënë e fundit që kanë për t’u trajtuar nga kanceri, avokati Sërgjan Aleksiç, i cili përfaqëson njerëzit nga jugu i Serbisë të cilët “vuajtën nga kanceri si pasojë e bombardimeve të RFJ-së me uranium të varfëruar. në agresionin e paktit të NATO-s 24 vjet më parë”.

Siç shton ai, “nëse sëmundja e tyre është rezultat i përdorimit të armëve nga dikush që e ka ditur fuqinë e atyre armëve, atëherë ai është i detyruar të kompensojë dëmin, të pastrojë fushën nga predhat e mbetura dhe të trajtojë qytetarët tanë”

Ky avokat, me origjinë nga fshati Bushtranë komuna e Preshevës, thekson se “janë më shumë se 1.500 kërkesa nga persona që kanë dorëzuar dokumentacionin mjekësor dhe kanë nënshkruar deklarata, të cilët duan të padisë paktin e NATO-s për shkak të kancerit nga i cili u sëmurën njerëzit, madje edhe vdiqën si pasojë e drejtpërdrejtë e bombardimeve me uranium të varfëruar”.

“Në emër të të ndjerëve është sjellë dokumentacioni mjekësor nga familjarët e tyre. Ka një numër të madh personash që vuajnë nga sëmundjet malinje, shumë kanë vdekur, për shkak të përdorimit të këtij municioni. Shum vendbanime nga Vranja u bombarduan me uranium të varfëruar, sikurse edhe fshatrat e komunës së Bujanocit dhe Preshevës”, thotë Aleksiç.

Klientët e tij që duan të padisë paktin e NATO-s nuk janë vetëm nga Vranja, por edhe nga Bujanoci, Presheva dhe fshatrat përreth, nga Kosova, të gjithë ata që janë sëmurë dhe kërkojnë të drejtat e tyre.

Ai tregon se proceset gjyqësore janë duke punuar së bashku me kolegun e tij nga Italia, Angelo Fiore Tartaglia. Ai avokat nga Roma, siç shton ai, ka “më shumë se 350 aktgjykime të formës së prerë në favor të civilëve italianë, ushtarëve dhe oficerëçve të KFOR-it, të cilët pas qëndrimit në Kosovë, u sëmurën nga kanceri” në rastet e klientëve të tij kundër paktit të NATO-s.

Në paditë kundër NATO-s, siç thotë avokati Aleksiç, kërkohet që “viktimat italiane dhe serbe të trajtohen në mënyrë të barabartë sepse kanë të njëjtin problem, që është uraniumi i varfëruar, gjegjësisht municioni radioaktiv”.

“Nëse një marrëdhënie shkak-pasojë do të vërtetohej në Itali, do të ishte çmenduri të mos e vërtetohej në Serbi sepse është i njëjti shkak i kancerit”. Me to, për atë lloj dëmi shëndetësor kompensimi është nga 300 mijë deri në një milion ose një milion e gjysmë euro, varësisht nëse personi i sëmurë ka fëmijë, nëse ka vdekur apo është ende i sëmurë rëndë e të ngjashme. “Ne në Serbi kemi pranuar një kompensim prej 100 mijë eurosh për person, për shkak të hendekut ekonomik mes vendeve”, shpjegon Aleksiç.