Rusia dëshiron të respektojë marrëveshjen e grurit, por kushtet duhet të jenë të barabarta për të gjithë
Kontrata do të zgjatet.
Rusia është e gatshme të përmbushë të gjitha kushtet nga Marrëveshja për eksportin e grurit, nëse këto kushte janë të barabarta për të gjitha palët.
Kështu ka thënë zëdhënësja e Ministrisë së Jashtme ruse, Maria Zakharova.
Më herët, Ministria e Punëve të Jashtme të Rusisë njoftoi se Perëndimi po minon nismën humanitare të Sekretarit të Përgjithshëm të OKB-së Antonio Guterres për eksportin e grurit duke sabotuar zbatimin e pjesës ruse të marrëveshjes.
MSP-ja ruse vuri në dukje se “është koha të ndalojmë së luajturi kartën e ushqimit”, pasi një pjesë e madhe e drithit nga Ukraina shkon në Bashkimin Evropian, jo në vendet më të varfra.
Marrëveshja e grurit, e cila u nënshkrua në Stamboll më 22 korrik 2022 nga përfaqësues të Rusisë, Turqisë, Ukrainës dhe OKB-së, përfshin eksportin e drithit, ushqimit dhe plehrave ukrainase përmes Detit të Zi nga tre porte, përfshirë Odesën.
Kontrata skadoi më 18 nëntor 2022, por u zgjat automatikisht për 120 ditë deri më 18 mars. Marrëveshja për eksportin e grurit nga portet e Detit të Zi duhet të zgjatet me çdo kusht, shkroi më herët sot në Twitter drejtori ekzekutiv i Programit Botëror të Ushqimit (WFP), David Beasley.
Ministri i Jashtëm turk Mevlüt Çavuşoğlu tha sot në konferencën e OKB-së për vendet e pazhvilluara, që po mbahet në kryeqytetin e Katarit, Doha, se Ankaraja është e përkushtuar për të zgjatur marrëveshjen e mbështetur nga OKB.
