Pse ndiheni ndonjëherë të përgjumur dhe të lodhur pasi keni ngrënë?

Së fundi, secili prej nesh ka një përgjigje shkencore për një pyetje që ia kemi bërë vetes të paktën një herë në jetë.

A ndiheni ndonjëherë të përgjumur dhe të lodhur pasi keni ngrënë? Ju do të preferonit të bini në gjumë dhe e dini që edhe pas drekës apo mëngjesit të bollshëm, duhet të vazhdoni me detyrat e tjera të përditshme.

Ekziston edhe një shpjegim shkencor për këtë ndjenjë. Ndihemi të përgjumur sepse gjaku devijohet nga truri në zorrë për të përpunuar gjithë atë ushqim shtesë.

“Sa më i madh të jetë vakti, aq më shumë gjak shkon në zorrë për të ndihmuar në tretje. Ka më pak gjak në tru, kështu që ju ndiheni të përgjumur,” shpjegon Dr Rich Joseph për Huffington Post (Huff Post).

Karbohidratet janë në fakt fajtori i vërtetë.

“Ushqimet me një indeks më të lartë glicemik priren të shkaktojnë më shumë rritje dhe rënie të sheqerit në gjak”, tha Joseph.

Shtimi i disa fibrave mund të ndihmojë kundër disa prej efekteve letargjike të karbohidrateve.

Për disa njerëz, ndjeshmëria ndaj ushqimit mund të çojë në përgjumje. Alergjenët e mundshëm ose ndjeshmëritë ushqimore mund të përfshijnë grurë dhe gluten, qumësht, arrat e pemëve ose butak. Gjithashtu, alkooli mund t’ju bëjë të ndiheni të përgjumur dhe më pak të përqendruar.