Ja si duhet të përgatiteni për një udhëtim të pa mundimshëm dhe pa të përziera

Për disa njerëz, vetë mendimi për të shkuar me pushime mund t’ju bëjë të përzier.

Pavarësisht nëse udhëtojnë me makinë, aeroplan apo autobus, shumë përballen me simptoma të tilla si nauze, marramendje dhe ndjenjën e dëshirës për të vjella. Ekspertët pohojnë se kjo “sëmundje e udhëtimit”, e cila prek deri në 65 për qind të udhëtarëve, është normale, edhe pse është shumë e pakëndshme.

Zgjedhja e ushqimit
Një mënyrë për të lehtësuar këto simptoma është të zgjidhni ushqime më të lehta përpara se të udhëtoni. Rekomandohet të hani vakte të lehta si drithëra ose fruta, të shmangni alkoolin dhe ushqimet pikante dhe të pini ujë ose limonadë për të parandaluar dehidratimin.

Pirja e çajrave natyralë, si çaji i kamomilit, mund të ndihmojë gjithashtu në zbutjen e çdo ngërçi dhe dhimbje në stomak.

Zgjedhja e sediljeve
Kur zgjidhni një vend, veçanërisht kur udhëtoni me avion, rekomandohet të uleni në mes, ku ndjesia e turbulencës është më e vogël. Në autobus, duhet të shmangni uljen në ndenjësen e kundërt me drejtimin e udhëtimit, ndërsa drejtimi i një makine është më komod kur uleni në sediljen e pasagjerit.

Ushqimet që mund të parandalojnë të përzierat
Një mënyrë tjetër për të lehtësuar simptomat e të përzierave është të konsumoni ullinj ose xhenxhefil. Ullinjtë përmbajnë taninë, një substancë që mund të reduktojë prodhimin e pështymës dhe të zvogëlojë të përzierat. Efektive është edhe xhenxhefili, sidomos për të rriturit, kur merret i holluar në ujë, ndërsa për fëmijët rekomandohet vetëm nëse janë mbi tre vjeç.

Pilula kundër të përzierave
Nëse jeni duke përdorur pilula kundër të përzierave, është e rëndësishme t’i merrni ato një orë para udhëtimit në mënyrë që të funksionojnë. Së fundi, mund të përdorni edhe vaj esencial mente, duke hedhur disa pika në një pecetë dhe duke thithur thellë përpara se të udhëtoni për të reduktuar ndjenjën e të përzierave.