Të pasura me vitamina: Luleshtrydhet përveç se janë të shijshme, kanë edhe një sërë përfitimesh për shëndetin tonë

Luleshtrydhet janë një ushqim ideal dhe shumë i shëndetshëm, të cilin tani, kur janë në sezon, kemi mundësinë ta shijojmë.

Ato janë të pasura me antioksidantë dhe mbrojnë trupin tonë nga radikalet e lira dhe dëmtimet. Përveçse janë të pasura me vitamina C dhe A, ato përmbajnë edhe fibra, hekur dhe acid folik dhe ja ku janë pesë arsye të shkëlqyera për t’i konsumuar sa më shpesh gjatë stinës.

Mbron nga kanceri
Në kërkime, luleshtrydhet janë në listën e ushqimeve më të mira që ulin shkallën e vdekshmërisë nga kanceri. Ato gjithashtu reduktojnë ndjeshëm përhapjen e qelizave kancerogjene të mëlçisë tek njerëzit.

Ato përmirësojnë shëndetin e trurit
Ato ndihmojnë në reduktimin e efektit të stresit oksidativ dhe ndalojnë dobësimin e funksionit të trurit. Në të njëjtën kohë, ato përmirësojnë aftësitë e të mësuarit dhe aftësitë motorike.

E mirë për ruajtjen e nyjeve të shëndetshme
Ushqimet e pasura me vitaminë C, si luleshtrydhet, mbrojnë nga artriti inflamator që prek kyçet.

Vitaminë C
Përveçse një antioksidant i fuqishëm, vitamina C është gjithashtu e nevojshme për aktivitetin e enzimave të përfshira në krijimin e kolagjenit.

Rrahje të rregullta të zemrës
Lëndët ushqyese që gjenden tek luleshtrydhet, si acidi folik, vitamina B6 dhe kaliumi, janë të rëndësishëm për një zemër të shëndetshme, por ndihmojnë edhe në sekretimin e hormoneve të tiroides dhe vitaminave B2 dhe B5, të cilat marrin pjesë në prodhimin e energjisë.