Fillojnë pritjet në kufi, në Preshevë për Maqedoni pritet deri 1 orë

Në prag të fundjavës pritet rritje e trafikut në të gjitha rrugët e Serbisë.

Gjithashtu është i mundur qëndrimi më i gjatë në pikat kufitare. Policia Rrugore apelon drejtuesit e mjeteve që të kenë durim dhe të lëvizin me kujdes.

Për shkak të pushimeve është rritur numri i automjeteve në autostrada, pika kufitare dhe pika pagese.

Sipas informacioneve të fundit, automjetet e udhëtarëve në pikën kufitare Preshevë, në dalje nga Serbia në Maqedoni, presin 50 minuta, ndërsa në Gradinë 30 deri në 40 minuta.

Automjetet e pasagjerëve në Batrovci, në hyrje të Serbisë presin për 30 minuta.

Mjetet e mallrave mbahen në vendkalimin kufitar Sremska Raça, në dalje nga vendi, për 60 minuta.

Nuk ka vonesa të automjeteve në pikat e pagesës.

Nuk rekomandohet vozitja në orët më të nxehta të ditës, pasi temperatura më e lartë do të arrijë edhe sot në 37 gradë.

Nëse vozitja është urgjente, duhet të bëni pushime më të shpeshta dhe më të gjata sepse motori mund të mbinxehet dhe pjesët e tjera të rëndësishme të makinës shpesh dështojnë, paralajmëron AMSS.