Ka filluar inspektimi publik i planit hapësinor të gazsjellësit i cili do të kaloj nga Bujanoci në Preshevë deri në kufirin me Maqedoninë e Veriut

Agjencia për Planifikim Hapësinor dhe Urbanizëm ka shpallur fillimin e inspektimit publik të Projektplanit hapësinor të gazsjellësit Orljanë-Leskovc-Vranjë, me vlerësim strategjik të ndikimit në mjedis. Inspektimi do të zgjasë deri më 6 dhjetor në qytetet dhe komunat përgjatë trasesë së gazsjellësit dhe nëpërmjet internetit, njofton Shërbimi për Marrëdhënie me Publikun e qytetit të Vranjës.

Inspektimi publik është i disponueshëm çdo ditë pune në ndërtesat e qyteteve Leskovc dhe Vranjë, si dhe në komunat Vlladiçin Han, Bujanoc, Preshevë, Vllasotincë, Surdulicë dhe Doljevac, si dhe në faqen e internetit të Ministrisë së Ndërtimit. Transporti dhe Infrastruktura dhe njësitë e vetëqeverisjes lokale në kuadër të planit.

Prezantimi publik i dokumentit planor do të mbahet të mërkurën, më 20 nëntor, me fillim nga ora 11:00 në objektin e Kuvendit të qytetit të Leskovcit, ndërsa seanca publike e Komisionit për Shqyrtim Publik është caktuar të premten, më 13 dhjetor në ora 11:00. (fund) DC/LJS