Shoferët në Preshevë nuk paguajnë parkingun, “Moravica” i vendos vërejtje në xhamin e automjeteve

Një paralajmërim nga ndërmarrja publike “Moravica” ka tërhequr vëmendjen e shoferëve që parkojnë në zonat me pagesë pa bërë pagesën përkatëse. Paralajmërimi, i vendosur në xhamin e automjeteve, informon qytetarët se janë duke shkelur rregullat e parkingut dhe se do të përballen me gjoba nëse nuk respektojnë obligimet financiare.

Teksti i vërejtjes është në dy gjuhë, shqip dhe serbisht, duke nënvizuar rëndësinë e respektimit të rregullave për të shmangur dënimet e ardhshme. Në tekst thuhet:

“Ju njoftojmë se gjindeni në zonën e parkimit me pagesë. Së shpejti do të dënoheni nëse nuk bëni pagesën e parkimit. Kjo vërejtje është vetëm një paralajmërim.”

Nga ana tjetër, kompania po ashtu apelon për ndërgjegjësim të qytetarëve, duke theksuar se ky dokument është thjesht informues dhe nuk përbën gjobë të menjëhershme.

Shoferët janë të ftuar të respektojnë udhëzimet dhe të sigurohen që të bëjnë pagesën për parkimin, për të shmangur masat ndëshkuese që mund të zbatohen së shpejti.