Radhë të gjata automjetesh në kufirin Bujanoc – Gjilan

Sot gjatë orëve të pasdites, janë raportuar kolona të gjata automjetesh në njërën nga pikat kufitare mes Kosovës dhe Serbisë. Fotografia e dërguar nga një qytetar në rrjetet sociale tregon dhjetëra makina në pritje për të kaluar kufirin, ndërsa trafiku duket i rënduar.

Ende nuk ka një njoftim zyrtar nga autoritetet për arsyet e vonesave, por zakonisht situata të tilla ndodhin gjatë fundjavave dhe kur fluksi i qytetarëve është më i lartë.

Qytetarët që planifikojnë të udhëtojnë përmes kësaj pike kufitare këshillohen të informohen paraprakisht mbi gjendjen e trafikut për të shmangur pritjet e gjata.