Lajme

Austria mbyll kufijtë me Hungarinë dhe Sllovakinë

Austria ka vendosur të marrë masa të rrepta për të parandaluar përhapjen e sëmundjes Afta Epizootike (FMD), duke mbyllur kufijtë me Hungarinë dhe Sllovakinë. Sipas mediave gjermane, duke filluar nga e shtuna, nuk do të lejohet kalimi në 24 pika kufitare ndërmjet këtyre vendeve.

Masa mbrojtëse pritet të zgjasë deri më 20 maj, ndërsa në vendkalimet që do të mbeten të hapura, do të aplikohen kontrolle të rrepta. Gjithashtu, Austria ka ndaluar importin e kafshëve dhe produkteve shtazore nga Hungaria dhe Sllovakia, duke përfshirë bagëtinë, derrat, mishin e freskët, qumështin e papërpunuar dhe mishin e gjahut.

Ky vendim vjen si pasojë e frikës nga përhapja e kësaj sëmundjeje, e cila është aktualisht prezente në Hungari dhe Sllovaki. Autoritetet austriake synojnë të parandalojnë hyrjen e virusit në territorin e tyre dhe të mbrojnë industrinë e blegtorisë në vend.

Related Articles

Back to top button