Kina rrit sërish tarifat doganore ndaj SHBA-ve me 125 %, rriten tensionet mes dy vendeve

Ditën e sotme Pekini ka njoftuar rritjen e tarifave doganore për importet amerikane në 125%, duke u kundërpërgjigjur ndaj vendimit të Trump për të rritur taksat mbi produktet kineze në 145%. Kjo është një rritje e dytë e tarifave doganare e cila duket se shton tensionin në një luftë tregtare që rrezikon të dëmtojë zinxhirët globalë të furnizimit.

Ministria e Financave e Kinës thuhet se deklaroi se nëse SHBA këmbëngul që të vazhdojë të shkelë interesat e Kinës në mënyrë thelbësore, Kina do të marrë kundërmasa vendimtare dhe do të luftojë deri në fund, raporton Reuters.

“Vendosja nga SHBA e tarifave anormalisht të larta ndaj Kinës shkel rëndë rregullat ndërkombëtare dhe ekonomike të tregtisë, ligjet themelore ekonomike dhe sensin e zakonshëm dhe është plotësisht një akt i njëanshëm i ngacmimit dhe presionit,” thuhet në një deklaratë të Ministrisë së Financave të Kinës.