KKSH hap thirrjen për bursa studentore për vitin akademik 2024/2025
Këshilli Kombëtar Shqiptar (KKSH) ka shpallur zyrtarisht thirrjen për aplikim për bursa studentore për vitin akademik aktual, në kuadër të përkushtimit të vazhdueshëm për të mbështetur arsimimin e të rinjve shqiptarë në Luginën e Preshevës.
Thirrja është e hapur për studentët që ndjekin studimet në Republikën e Serbisë dhe përmbushin kriteret e përcaktuara nga KKSH. Bursat kanë për qëllim lehtësimin e barrës financiare të studentëve dhe inkurajimin e përkushtimit akademik.
Afati për dorëzimin e aplikimeve është 22 prill 2025, ora 15:00. Aplikimi bëhet përmes formularëve zyrtarë të publikuar nga KKSH, ndërsa dokumentacioni i kërkuar përfshin dëshmi të statusit të studentit, rezultate akademike, si dhe dokumente që vërtetojnë përkatësinë kombëtare.
Këshilli thekson se përparësi do të kenë studentët me performancë të lartë akademike dhe ata që vijnë nga familje me kushte të vështira ekonomike. Ky program mbështet një nga prioritetet strategjike të KKSH-së për fuqizimin e kapitalit njerëzor në Luginën e Preshevës.
Për më shumë informata dhe për të shkarkuar formularët, vizitoni linkun më poshtë:
