Paralajmërim për mot të ashpër në ditët në vijim

Instituti Hidrometeorologjik i Republikës ka paralajmëruar për një mot të paqëndrueshëm dhe të ashpër që do të përfshijë pjesën më të madhe të Serbisë në ditët në vijim. Priten stuhi të shoqëruara me bubullima, reshje të dendura shiu dhe lokalisht edhe breshër.

Gjatë ditës së sotme do të mbajë mot i ndryshueshëm dhe i lagësht. Nga mesdita, në disa zona do të ketë reshje shiu dhe rrebeshe me bubullima, që mund të shoqërohen me breshër dhe reshje intensive në periudha të shkurtra kohore. Era do të fryjë me intensitet mesatar deri të fortë.

Temperaturat maksimale pritet të lëvizin nga 21 deri në 25 gradë Celsius.

Deri në fund të javës, moti do të vazhdojë të jetë i paqëndrueshëm dhe i vranët, me reshje të shpeshta shiu dhe rrebeshe me bubullima. Nga e mërkura, më 23 prill, temperaturat do të variojnë ndërmjet 19 dhe 25 gradë.

Alarmi portokalli për motin është në fuqi në të gjithë territorin e Serbisë, për shkak të reshjeve të forta dhe rrezikut nga breshëri në disa zona.

Për ditën e nesërme dhe të premten, paralajmërimet meteorologjike mbeten aktive në të gjithë vendin, megjithëse në disa rajone mund të kalojnë nga alarmi portokalli në të verdhë.

Sipas RHMZ, fenomenet e motit që paralajmërohen mund të jenë të rrezikshme, me potencial për dëme materiale dhe rrezik për njerëzit dhe kafshët. Këshillohet të jeni të kujdesshëm, të informoheni vazhdimisht dhe të ndiqni udhëzimet e institucioneve përkatëse.

Rekomandime për qytetarët:
– Jini të kujdesshëm gjatë ngasjes së automjetit.
– Ulni shpejtësinë dhe ruani distancën e sigurisë.
– Kushtojini vëmendje të veçantë këmbësorëve dhe çiklistëve.
– Vozitni me kujdes – stuhitë mund të shfaqen papritur.