Trajnim për bletarët në Preshevë: Ekspertë turq ndajnë njohuri të avancuara

Shoqata e bletarisë “Bleta” nga Presheva, në bashkëpunim me Agjencinë Turke për Bashkëpunim dhe Zhvillim Ndërkombëtar (TIKA), organizon një trajnim treditor për bletarët e komunës së Preshevës. Ligjëratat do të mbahen nga profesorë të njohur nga Turqia, ndër ta Prof. Dr. Levent Aydin dhe Doc. Dr. Meral Kekecoglu.

Ky trajnim do të zhvillohet në sallën e Kuvendit Komunal nga data 7 deri më 9, duke filluar nga ora 09:00 deri në 16:30. Pjesëmarrësit që ndjekin të gjitha sesionet do të pajisen me certifikata.

Temat e trajtuara do të përfshijnë sfidat e bletarisë në vitet e fundit, menaxhimin e koshereve dhe teknikat moderne për rritjen e produktivitetit. Ky trajnim shihet si një mundësi e rëndësishme për bletarët që të përmirësojnë njohuritë e tyre dhe të përballen më mirë me sfidat e sektorit.

Për të marrë pjesë, bletarët mund të kontaktojnë organizatorët në këta numra:

Dashnor Osmani: 063 472026
Selami Bektashi: 063 388493
Adnan Jusufi: 063 8181053
Boban Veliçkoviq: 064 8992721