Rikthehen reshjet e shiut, si pritet të jetë moti gjatë ditës

Pas disa ditësh me mot të qëndrueshëm dhe temperatura pranverore, në Preshevë sot rikthehen reshjet e shiut. Sipas parashikimeve të fundit meteorologjike, gjatë ditës pritet mot i vranët me reshje të herëpashershme shiu, ndërsa temperaturat do të sillen nga 11°C në mëngjes deri në 17°C në orët e pasdites.

Era do të fryjë me intensitet të lehtë deri mesatar nga drejtimi veriperëndimor, duke sjellë një ndjesi më të freskët krahasuar me ditët e kaluara. Reshjet pritet të intensifikohen në orët e pasdites, ndaj qytetarët këshillohen të kenë me vete çadra apo veshje të përshtatshme për shi.

Sipas sinoptikanëve, moti i paqëndrueshëm pritet të vazhdojë edhe në ditët në vijim, me mundësi për reshje të tjera dhe ulje të lehtë të temperaturave.