SH.K.A “Presheva” gjallëron çarshinë e Preshevës
Mbrëmja e djeshme në qendër të Preshevës u shndërrua në një festë të vërtetë kulturore dhe emocionale për qytetarët. Me një atmosferë të jashtëzakonshme, u mbajt koncerti i Shoqërisë Kulturore-Artistike “Presheva”, organizuar nga Zyra për të Rinj.
Ngjarja u karakterizua nga një atmosferë festive, ku këngët e vjetra dhe tingujt folklorikë sollën jetë dhe nostalgji. Të rinjtë dhe vullnetarët ishin pjesë aktive e programit, duke dëshmuar përkushtim dhe dashuri për trashëgiminë kulturore të rajonit.
Sheshi i qytetit ishte i tejmbushur me qytetarë, të cilët ndoqën me entuziazëm programin artistik, në një nga mbrëmjet më të gjalla që ka njohur Presheva kohët e fundit. Ngjarja u përshkua nga një energji pozitive dhe frymë bashkëpunimi mes brezave, duke dhënë një shembull të shkëlqyer të përkushtimit ndaj kulturës lokale.
