Nis në fuqi sistemi EES për hyrje dhe dalje në zonën Schengen

Që nga 12 tetori 2025, hyri në fuqi sistemi i ri EES (Sistemi i Hyrjes dhe Daljes) për shtetasit e vendeve që nuk janë pjesë e BE-së, për udhëtime me qëndrim të shkurtër në zonat që përdorin EES.
Ky sistem pritet të zëvendësojë vulat manuale në pasaporta dhe të modernizojë kontrollet kufitare në Evropë.

Çfarë është EES?

– EES është një sistem automatizuar dhe digjital që regjistron hyrjet dhe daljet e shtetasve që nuk janë nga BE-ja (apo nga Islanda, Lihtenštajni, Norvegjia apo Zvicra) kur udhëtojnë për qëndrim deri në 90 ditë.
– Regjistrimi përfshin skanimin e pasaportës, marrjen e foto-s dhe gjurmëve të gishtërinjve.
– Sistemi do të zbatohet gradualisht në vendet që përdorin EES; pritet aplikimi i plotë të gjitha pikat kufitare deri më 10 prill 2026.

Kujt i drejtohet?

– Shtetasve të vendeve që nuk janë pjesë e BE-së – pra, përfshirë qytetarët nga Serbia, Kosova, Shqipëria, Maqedonia e Veriut etj.
– Edhe në rast se një shtetas nuk ka nevojë për vizë për qëndrim të shkurtër, ai duhet të regjistrohet në EES në hyrje.
– EES nuk zbatohet për personat që kanë paketa speciale përjashtimesh, si p.sh. disa studentë, diplomatë, etj.

Si do të funksionojë?

– Kur kaloni kufirin për herë të parë pas hyrjes së sistemit EES, autoritetet do të:

1. skanojnë pasaportën;
2. marrin foto të fytyrës;
3. marrin gjurmët e gishtërinjve.

– Në hyrjet e ardhshme, sistemi do të verifikojë të dhënat që janë regjistruar më parë dhe procedura do të jetë më e shpejtë.
– Nëse tashmë jeni regjistruar, nuk do t’ju duhet që të bëni regjistrim sërish në hyrje tjetër — vetëm verifikim i të dhënave.

Kujdes – kohë qëndrimi

– Me EES, do të jetë e lehtë për autoritetet të monitorojnë sa ditë qëndroni në zonën Schengen — maksimumi lejohet 90 ditë brenda një periudhe prej 180 ditësh.
– Ai që kalon këtë kufi mund të përballet me probleme ligjore ose ndalim hyrjeje në të ardhmen.