Facebook, Instagram dhe WhatsApp së shpejti do jenë me pagesë, ja çfarë duhet të dini

Sipas një raporti të The Verge, Meta po formon një divizion të ri të quajtur “New Monetization Experiences” për t’u fokusuar në veçoritë me pagesë për Facebook, Instagram dhe WhatsApp.

Konkurrentët e tjerë në hapësirë, duke përfshirë Snap dhe Twitter tashmë ofrojnë tashmë shërbime me pagesë të Snapchat+ dhe Twitter Blue me disa veçori ekskluzive për krijuesit.

Megjithatë, për kompaninë Meta natyra e veçorive me pagesë nuk dihet se çfarë shërbimesh shtesë do të ofrojë për përdoruesit.

Deri më tani, kompania është e përkushtuar për të rritur biznesin e reklamave dhe nuk ka plane t’i lejojë përdoruesit të paguajnë për të ndaluar reklamat.

Snap, Twitter dhe Meta janë platformat që fitojnë shumicën e të ardhurave të tyre nga shitja e reklamave dixhitale.

Veçoritë me pagesë mund të shtojnë të ardhura të reja jo reklamuese për Meta-n. Snap dhe Twitter aktualisht ofrojnë nivele me pagesë për të zhbllokuar veçori shtesë për përdoruesit. Produkti i abonimit të Twitter, Twitter Blue kushton 4,99 dollarë në muaj.

Së fundmi, shërbimi i abonimit Snapchat+ u shtua gjithashtu, një koleksion funksionesh ekskluzive, eksperimentale dhe para-publikuese të disponueshme në Snapchat për 3,99 USD/ muaj.