Britanikët futen në kuti në mbështetje të Gazës

150 persona janë futur në kuti përballë Parlamentit britanik në shenjë proteste ndaj kushteve çnjerëzore të jetës së palestinezëve në Rripin e Gazës.

Protesta u organizua nga Oxfam, e cila është një konfederatë e përbërë nga 17 organizata humanitare jo qeveritare të përqendruara në luftimin e varfërisë dhe padrejtësive në botë, të deklaruara publikisht pro çështjes palestineze.

Organizata ka zgjedhur këtë protestë për të nisur fushatën e aktiviteteve, njëherësh për t’i kërkuar Britanisë së Madhe që të impenjohet për heqjen e embargos në Rripin e Gazës.