Flappy Bird sjell “luftën” 1 kundër 1

Video-loja e famshme, “Flappy Bird”, është rikthyer në skenë me formë të re dhe me mundësinë e zhvillimit të lojës me më shumë se një lojtar.

E gatshme për shkarkim nga Amazon Fire TV, “Flappy Birds” është pasardhës i Flappy Birdit të famshëm për version mobil.

“Flappy Birds tani është në Amazon Fire TV me veçori krejtësisht të reja: Më shumë kënaqësi dhe shumë vështirësi vijnë në modelin e ri, 1 kundër 1”, thuhet në përshkrimin e produktit.

“Shijojeni teksa luani me shokët apo familjen në shtëpi por mos e prishni televizorin”.

“Flappy Bird” ishte ndaluar në shkurt, pas kërcënimeve drejt themeluesit të lojës dhe që atëherë ishte konfirmuar se do të lansohej modeli i ri dhe atë me elemente të më shumë se një lojtari.