Fëmijë pa përkujdesje, mbi urën e Lumbardhit në Prizren

Dy fëmijë të zhveshur, janë ulur pranë njëri –tjetrit në njërën prej urave të Lumbardhit në Prizren, përkundër temperaturave të ulëta dhe shiut që po bie.

Një vizitor i këtij qyteti turistik mund t’i japë lëmoshë; Një poet mund t’i shkruajë më së shumti një poezi; një gazetar mund ta fotografojë që ta sensibilizojë publikun – kjo është më së shumti që njerëzit e rastit mund të bëjnë për këtë fëmijë pa përkujdesje në këtë gjendje të mjerueshme, por asnjëri nga ta nuk ia zgjidh dot hallin. Por, një polic ose një punëtor i Entit Social, nuk është dashur të kalonte pranë këtij fëmije pa marrë masat e nevojshme sipas obligimit zyrtar.