Duhej të ishte një ekskursion i thjeshtë për të realizuar një dokumentar për peshkaqenë, por u shndërrua në një përvojë tronditëse që ka lënë në ankth për disa minuta dy ekspertë të sektorit, si Jef Kurr dhe Andy Casagrande, të cilët kishin dalë në det me disa të tjerë mbi një varkë dhe një barkë në brigjet e ishullit Stewart në Zelandën e Re.
Sulmi i bërë nga një peshkaqen i bardhë prej 6 metrash ndaj grupit që duhej të xhironte dokumentarin, ishte i tmerrshëm.
Kur u përpoqën t’i vendosnin një videokamera pranë, peshkaqeni ka reaguar duke shtyrë barkën dhe duke kafshuar litarin që e mbante të lidhur me varkën, duke e tronditur frikshëm. Momente frike, një pushim, pastaj peshkaqeni që ishte zhdukur për pak, rishfaqet duke bërë një tjetër mësymje.
Dhe, ndërsa një pjesëtar i ekuipazhit, e përcakton përvojën “torturuese”, shfaqet në ujë një tjetër peshkaqen. Në atë pikë, trupa e xhirimit mendon të largohet, duke shmangur një aventurë që mund të kishte rezultuar fatale, duke parë madhësinë e barkës në ujëra ku notojnë peshkaqenë aq të mëdhenj.
