Sa gota ujë duhet t’i pini gjatë ditës

Me vite të tëra, shkencëtarët kanë sugjeruar se sasia e ujit që duhet ta konsumojmë gjatë ditës është rreth tetë gota ujë.

Por, a është vërtet nevoja që gjatë tërë ditës të konsumoni ujë? – transmeton Telegrafi.

Sipas një studimi, ndoshta jo! Kjo sepse studimi ka zbuluar që mjafton të pini aq shumë ujë sa jua lypë trupi.

Në fakt, ata thonë se konsumimi i sasive të tepërta të ujit mund të jetë i rrezikshëm, ndërkaq në raste ekstreme mund ta shkaktojë edhe vdekjen.

“Nëse i përshtatemi vetëm kërkesës së trupit tonë – pra të pimë ujë vetëm kur ndihemi të etur – atëherë edhe kjo është në rregull”, ka thënë hulumtuesi Michael Farrell nga Australia.

Sipas tij, konsumimi i tetë gotave ujë në ditë nuk është se shkakton ndonjë dëm sepse nuk është sasi tepërt, por ai është ithtar i të konsumuarit ujë aq shumë sa ia kërkon trupi!