Historia e dialektit më të veçantë në Kosovë

Ky qytet është njëra ndër rrugët apo vendet më të vjetra tregtare të territorit shqiptar. Edhe ditëve të sotme Rahoveci është shembull për përpunimin e tokës, e sidomos për kultivimin e rrushit.

Por veçoritë e banorëve të këtushëm nuk mbarojnë me kaq. Është dialekti, apo e folura e tyre, që I karakterizon këta njerëz nga pjesa tjetër e Kosovës.

Mungesa e informacionit ka bërë që shumë njerëz në Kosovë të mendojnë që në Rahovec flitet bullgarisht. Disa të tjerë mendojnë se këtu flitet serbisht. Por këto paragjykime nuk qëndrojnë.

“Zanafillat e kësaj të folme të Rahovecit janë të lashta. Është një përzierjëe mekanike e shumë gjuhëve. Si gjuha maqedone, gjuha turke, arabe, ka fjali edhe të gjuhës serbe e të gjuhës së vjetër shqipe. Por nuk ka fare lidhje me gjuhën bullgare”, ka thënë një rahovecian.

Ai mendon se nga para vitet 1900, dyndjet e popujve që ishin larguar nga Kosova për në vise të tjera ku kanë jetuar. Pas dëbimit të dhunshëm nga Serbia, sipas tij, janë vendosur në Rahovec nga vende të ndryshme.

Mirëpo, ndonëse të gjithë e dijnë, pak e flasin para kamerës. Ata theksojnë se janë shqiptarë dhe se kjo gjuhë nuk është e nënës por një gjuhë e mbetur.

Ndryshe, të gjithë rahovecianët e përsërisin se gjuha që për shumëkënd po cilësohet si bulgare, nuk ka të bëjë fare me të, mirëpo është një përzierje nga popullsia që vijnë nga vende të ndryshme.