Vajza e dëshmorit në ditën e martesës viziton varrin e babait (Foto)

Vajza e dëshmorit Halil Sejfijaj, Vixhi Sejfijaj, pasi kishte veshë vellon e nusërisë, së pari ka shkuar tek varri i babait të saj për të marrë bekimin e tij.

Vixhi e cila dukej shumë e bukur në rrobat e nusërisë, kur babi i saj kishte rënë për lirinë e atdheut ishte shumë e vogël, në ditën më të veçantë të jetës së saj, sapo veshi vellon shkoi pranë varrit të babait për t’i dërguar një buqetë me lule, për t’i ndarë dhembjen e gëzimin së bashku, dhe për t’i treguar se është rritur dhe po martohet, raporton KosovaPress.

Halil Sejfijaj pushon në Kompleksin Memorial të Dëshmorëve të UÇK-së në Gllogjan.