E rrallë: Zviceranja me pension 1.800 franga jeton në Gjilan, kërkon partner për jetë

Pensionsitja zvicerane Elisabeth Küchler (76), ka një pension prej 1800 frangash. “Isha e vetëdijshme se kjo nuk do të më mjafton për të jetuar në Zvicër dhe aspak nuk kisha disponim të shkoja në Tajlandë. Kur e vizitova një bashkëpunëtor në Kosovë, kisha ndjenjën se nuk është shumë larg nga Zvicra dhe nuk ka dallim të madh të kushteve atmosferike”.

Para pesë vitesh, pensionistja zvicerane Elisabeth Küchler ishte zhvendosur nga Lucerni në Kosovë. Në moshën e saj 72-vjeçare, ajo filloi një jetë tërësisht të re në Gjilan, shkruan “Blick”, përcjell Shtegu.com. Por, një veti e banorëve të fshatit e ka penguar shumë: “Jashtë, para derës është një zile, me siguri se nuk mund të futesh aq thjeshtë brenda në shtëpi. Nuk dua që ndokush thjesht të futet në shtëpi, kur mund të jem në banjo. Çdo njeri e ka sferën e tij private, apo jo”.

Mirë që mjedisi i saj atëbotë nuk dinte asgjë për tiparin e saj kosovar, njofton Shtegu.com. Reagimet mund të kenë qenë edhe më intensive. “Në Zvicër të gjithë kishin ndjenjën se isha e çmendur, përveç vëllait tim, i cili më mbështeti në ndërtimin e shtëpisë”.

“Ndjehesha shumë e vetmuar në Zvicër sepse gjithë jetën time e kisha investuar në biznes për shkak të punës sime, nuk kisha asnjë koleg pune. Dhe një person të tillë askush nuk e do në shtëpi. Asnjëherë pas divorcit nuk më ka shkuar ndërmend se kurrë nuk do të mund të gjej një partner. Por, ata duan një lidhje më të thjeshtë se unë, edhe pse unë jam në të vërtetë shumë e thjeshtë, por më pëlqen të debatoj “.

Ndonjëherë ajo ndihet e vetmuar në Gjilan, pasi edhe këtu nuk ka gjetur partner. Por, ajo shpreson se një ditë do ta gjej.