Në këtë qytet thuhet se ka jetuar Ibrahimi a.s

Qyteti daton që para 4000 mijë vjetëve dhe i takon periudhës në të cilën ka jetuar i dërguari i Zotit, Ibrahimi a.s.

Gjatë gërmimeve në hapësirat e qytetit antik Ur, që gjendet afër qytetit irakian Nasirye, arkeologët anglez kanë zbuluar një kompleks të madh.

Besohet se Ibrahimi a.s ka lindur në qytetin Ur, kryeqytetin e civilizimit sumerian që ka zgjatur 4500 vjet. Thuhet se kompleksi që u zbulua nga ekipi i arkeologëve anglez daton që para 4000 mijë vjetëve dhe i takon periudhës kur ka jetuar profeti Ibrahim a.s.

Tregohet se mbetjet e objekteve që janë gjetur me rastin e gërmimeve arkeologjike kapin sipërfaqen e një fushe futbolli.

Kreu i ekipit arkeologjik nga Universiteti i Mançesterit, Stuart Campbell, deklaroi se rrallë mund të gjenden komplekse që datojnë që nga viti 2000 para erës sonë, duke shtuar se këto zbulime mund të na ofrojnë shumë informata nga ajo periudhë.